आपले वडील अनंत अंतरकर यांच्या पश्चात ‘हंस’सारख्या मासिकाच्या संपादनाची धुरा यशस्वीपणे वाहणाऱ्या आणि स्वतः उत्तम लेखन करणाऱ्या आनंद अंतरकर यांचा १८ नोव्हेंबर हा जन्मदिन. त्या निमित्ताने आजच्या ‘दिनमणी’मध्ये त्यांचा अल्प परिचय.........
१८ नोव्हेंबर १९४१ रोजी जन्मलेले आनंद अंतरकर हे उत्तम लेखक आणि संपादक म्हणून प्रसिद्ध आहेत.
अनंत अंतरकर यांचे पुत्र असल्याने हंस, मोहिनी, नवल यांसारखी मासिकं हक्काची, घरातलीच असल्याने त्यांना साहित्याची लहानपणापासूनच गोडी होती. तशात वडिलांना भेटायला येणाऱ्या साहित्यिकांमुळे त्यांच्या गप्पांमधून खूप काही शिकायला मिळत गेलं. भाषेचे, व्याकरणाचे उत्तम संस्कार त्यांच्यावर झाले.
त्यांनी लिहिलेली घूमर, रत्नकीळ, झुंजूरवेळ यांसारखी पुस्तकं वाचकप्रिय आहेत. वडील अनंत अंतरकर आणि जी. ए. कुलकर्णी यांच्यातल्या काही पत्रव्यवहारांवर आधारित ‘एक धारवाडी कहाणी’ हे पुस्तक त्यांनी संपादित केलं आणि त्याचंही चांगलं स्वागत झालं. त्यांना महाराष्ट्र साहित्य परिषदेचा विशेष पुरस्कार मिळाला आहे.
(आनंद अंतरकर यांची सर्व पुस्तके ‘बुकगंगा डॉट कॉम’वरून घरपोच मागवण्यासाठी येथे क्लिक करा. दररोज प्रसिद्ध होणाऱ्या ‘दिनमणी’ सदरातले स्फुट लेख एकत्रितरीत्या या लिंकवर वाचता येतील.)
(आनंद अंतरकर यांच्या भगिनी अरुणा अंतरकर यांनी वडील अनंत अंतरकर यांच्या दिवाळी अंकासंदर्भातल्या सांगितलेल्या आठवणी जाणून घेण्यासाठी सोबतचा व्हिडिओ पाहा.)
